പ്രത്യേകിച്ചു പണച്ചെലവൊന്നുമില്ലാതെ, ഏറെയെളുപ്പം ഇന്റര്നെറ്റില്നിന്നു വിവരങ്ങള് ശേഖരിക്കാമെന്നത് ആരോഗ്യസംശയങ്ങളുമായി പലരും ആദ്യം സമീപിക്കുന്നതു സെര്ച്ച് എഞ്ചിനുകളെയാണെന്ന സാഹചര്യമുണ്ടാക്കിയിട്ടുണ്ട്. അത്തരം സെര്ച്ചുകള് മിക്കവര്ക്കും ഉപകാരമായാണു ഭവിക്കാറെങ്കിലും ചിലര്ക്കെങ്കിലും അവ സമ്മാനിക്കാറ് ആശയക്കുഴപ്പവും ആശങ്കാചിത്തതയുമാണ്. ആരോഗ്യത്തെക്കുറിച്ചുള്ള അമിതജിജ്ഞാസയാലോ, തനിക്കുള്ള ലക്ഷണങ്ങളെപ്പറ്റി കൂടുതലറിയാനോ, രോഗനിര്ണയം സ്വന്തം നിലക്കു നടത്താനുദ്ദേശിച്ചോ ഒക്കെ നെറ്റില്ക്കയറുന്നവരില് അവിടെനിന്നു കിട്ടുന്ന വിവരങ്ങള് ഉത്ക്കണ്ഠയുളവാക്കുകയും, അതകറ്റാന് അവര് വേറെയും സെര്ച്ചുകള് നടത്തുകയും, അവ മൂലം പിന്നെയും ആകുലതകളുണ്ടാവുകയും ചെയ്യുന്ന സ്ഥിതിവിശേഷം 'സൈബര്കോണ്ട്രിയ' (cyberchondria) എന്നാണറിയപ്പെടുന്നത്.
7064 Hits
