എ.ഡി.എച്ച്.ഡി. എന്ന അസുഖത്തെ വേരോടെ പിഴുതുകളയുന്ന ചികിത്സകളൊന്നും ഇതുവരെ കണ്ടുപിടിക്കപ്പെട്ടിട്ടില്ല. ലഭ്യമായ എ.ഡി.എച്ച്.ഡി. ചികിത്സകളെല്ലാം ഊന്നല് നല്കുന്നത് രോഗലക്ഷണങ്ങളുടെ തീവ്രത ലഘൂകരിക്കുന്നതിലും കുട്ടിയുടെ ജീവിതനിലവാരവും പഠനമികവും മെച്ചപ്പെടുത്തുന്നതിലുമാണ്. ബിഹേവിയര് തെറാപ്പി, പേരന്റ് ട്രെയിനിംഗ്, മരുന്നുകള് എന്നിവയാണ് ഗവേഷണങ്ങളില് ഫലപ്രദമെന്നു തെളിഞ്ഞു കഴിഞ്ഞ പ്രധാന ചികിത്സാരീതികള്. ഈ ചികിത്സകള് ഫലപ്രദമായി നടപ്പിലാക്കുന്നതിന് കുടുംബാംഗങ്ങള്, അദ്ധ്യാപകര്, ചൈല്ഡ് സ്പെഷ്യലിസ്റ്റുകള്, സൈക്ക്യാട്രിസ്റ്റുകള്, ക്ലിനിക്കല് സൈക്കോളജിസ്റ്റുകള്, കൌണ്സിലര്മാര് തുടങ്ങിയവരുടെ കൂട്ടായ പ്രവര്ത്തനം അത്യാവശ്യമാണ്.
15126 Hits
