കുട്ടികള്‍ സഹപാഠികളുടെയും മറ്റും ഭീഷണികളും പരിഹാസങ്ങളും അമിതമായി നേരിടേണ്ടിവരുന്ന സാഹചര്യങ്ങള്‍ ഉണ്ടാകാറുണ്ട്. “ബുള്ളിയിംഗ്” എന്ന ഈ പ്രവണതയെ നേരിടാന്‍ പഠിക്കാം.

പ്രത്യാഘാതങ്ങള്‍

ലാഘവത്തോടെ അവഗണിക്കേണ്ട ഒന്നല്ല ബുള്ളിയിംഗ്. കുട്ടികളില്‍ നിരവധി പ്രത്യാഘാതങ്ങള്‍ക്ക് അത് കാരണമാകാറുണ്ട്. ഉള്‍വലിച്ചില്‍, അമിതമായ ലജ്ജ, ഒന്നിലും താല്‍പര്യമില്ലാതാവുക, സ്വയംമതിപ്പു നഷ്ടമാവുക, സ്കൂളില്‍പ്പോവാന്‍ വൈമുഖ്യം, പഠനത്തില്‍ പിന്നാക്കമാവല്‍ എന്നിവ ഉദാഹരണങ്ങളാണ്., അമിതമായ ഉത്ക്കണ്ഠ, വിഷാദം, മുന്‍ശുണ്‍ഠി, ഉറക്കത്തിലും വിശപ്പിലും മാറ്റങ്ങള്‍, പേക്കിനാവുകള്‍, ശരീരത്തിന്‍റെ വിവിധ ഭാഗങ്ങളില്‍ വേദന എന്നിവയും കണ്ടേക്കാം. താന്‍ ഒന്നിനും കൊള്ളാത്ത, ആര്‍ക്കും വേണ്ടാത്ത ഒരു വ്യക്തിയാണ് എന്ന ധാരണ അവര്‍ക്കു ജനിക്കാം. ലഹരിയുപയോഗം, ആത്മഹത്യാചിന്ത, സ്വയം ഉപദ്രവിക്കാനുള്ള പ്രവണത എന്നിവ രൂപപ്പെടാം. ഇത്തരം കുട്ടികള്‍ മുതിര്‍ന്നുകഴിഞ്ഞാല്‍ അവര്‍ക്ക് പരസ്പര ധാരണയോടും വിശ്വാസത്തോടും കൂടി നല്ല സൌഹൃദങ്ങളിലും ബന്ധങ്ങളിലും ഏര്‍പ്പെടാനാവാതെ പോയേക്കാം.

ബുള്ളിയിംഗ് നടത്തുന്ന കുട്ടികളും പിന്നീട് പല മാനസികവൈഷമ്യങ്ങളും പ്രകടിപ്പിക്കാറുണ്ട്. വ്യക്തിബന്ധങ്ങള്‍ സ്ഥാപിച്ചെടുക്കാന്‍ പാടവമില്ലാതെ പോവുക, ലഹരിയുപയോഗം, അക്രമവാസന, ചെറുപ്രായത്തിലേ ലൈംഗികബന്ധങ്ങളില്‍ ഏര്‍പ്പെടുക, വിദ്യാഭ്യാസം പൂര്‍ത്തീകരിക്കാതെ പോവുക, തൊഴിലില്ലായ്മ, മുതിര്‍ന്നു കഴിഞ്ഞ് ജീവിതപങ്കാളിയെയോ മക്കളെയോ ഉപദ്രവിക്കുക എന്നിവ ഉദാഹരണങ്ങളാണ്. അതിനാല്‍ത്തന്നെ ഇത്തരം കുട്ടികളും സവിശേഷശ്രദ്ധ അര്‍ഹിക്കുന്നുണ്ട്.

ബുള്ളിയിംഗിനു സാക്ഷികളാവുന്ന കുട്ടികള്‍ക്കും അമിതമായ കുറ്റബോധം, താനും ആക്രമിക്കപ്പെട്ടേക്കുമോയെന്ന ഭീതി, വിഷാദം തുടങ്ങിയവ നേരിടേണ്ടി വരാറുണ്ട്.

മാതാപിതാക്കള്‍ക്കു ചെയ്യാനുള്ളത്

കുട്ടിയോടു നിര്‍ദ്ദേശിക്കാവുന്നത്

കുട്ടികളെ പൊതുവെ പഠിപ്പിക്കേണ്ടത്

പരിഹാസം നേരിടാന്‍ പ്രാപ്തരാക്കാം

താഴെപ്പറയുന്ന നിര്‍ദ്ദേശങ്ങള്‍ കുട്ടിക്കു കൊടുക്കുന്നത് ഇവിടെ സഹായകരമാകും:

മുതിര്‍ന്നവര്‍ ബുള്ളിയിംഗ് നേരിടുന്നെങ്കില്‍

(2018 ഒക്ടോബര്‍ രണ്ടാം ലക്കം ഗൃഹലക്ഷ്മിയില്‍ പ്രസിദ്ധീകരിച്ചത്)

ലേഖനം ഉപകാരപ്രദമാണ് എന്നു തോന്നിയവര്‍ ഇത് മറ്റുള്ളവരുമായും പങ്കുവെക്കണം എന്നഭ്യര്‍ത്ഥിക്കുന്നു.


Image courtesy: Emma Darvick, Parents.com